ابتزاز ام خالد

من شويه كنت جالسه اقرأ الجريده

الا وأشوف خبر عن المصورات والتصوير

مصوره اسمها اسمها ام خالد

حسب ماجاء في الجريده صورت عروس

واتفقت مع اهل العروس على المبلغ

بعد فتره خلصت الصور واتصلت على اب العروس

وقالت له انها تبي مبلغ اكثر من المتفق عليه

ولما قال لها مستحيل لأن المبلغ الي طلبته شكله جامد

هددته ب نشر صور بنته والموجودين معاها على صفحات الانترنت

وايضا بترميها او تلصقها على جدران البيوت في جده

المهم كلمته اكثر من مره وقالت له ان هذا الكلام صحيح ومو بس مجرد تخويف

وانما هو تهديد له اذا مااعطاها المبلغ راح تنفذ الي براسها

الأب احتار وخاف على سمعته وسمعة بنته مسكين وماعرف كيف يتصرف

ف لجأ لصاحبه وقاله القصه وقاله بلغ عنها ........... الخ القصه .



ياما سمعنا عن استوديوهات مشبوهه وكل شويه يطلعون كلام ان في صور انتشرت من الاستوديو

الفلاني للعائله الفلانيه وتذكر اسم العيله ويتم التأكيد على قصه الحوادث هذي

وياما حدث ابتزاز من المصورات ذولا سواء سعوديات او اجنبيات على حد سواء



معقوله مافي رقابه عليهم؟!

وش السواه في مثل هذي الحالات

يعني الي حابه تصور وتبي مصوره مضموونه وتطلع لها بعد كذا مصوره مثل ام خالد

او تبي استوديو ممتاز وبعدها تسمع بتسريب صورها بسبب الفلبينيات وغيرهم

مالحل ؟!

البنت تصور والفتره مابين التصوير واستلام صورها وهي ماسكه قلبها ولو تأخرت المصوره

بدت الهواجيس تجي وتروح

.

زوجة عمي زوجها الي هو عمي رافض التصوير بالاستوديوهات وتحميض الصور

اضطر يلحق زوجته ب دورات تصوير مكثفه واشترى لها اداوات التصوير عشان

ماتقوله بروح استوديو او بجيب مصوره وصارت تصور بنات العيله

وخواتها (تصوير مقتصر على العيله يعني لاحد يقول تروج على زوجه عمها

تصويرها محدود وخاص بالعيله وارتحنا من وجع الراس والمخاوف )

.

نصيحتي للاباء انتبهوا على بناتكم وحريمكم ودورات التصوير المكثفه ماشاء الله

انتشرت وبكثره والمشاغل فيها برضو دورات للتصوير وتعليم الفوتوشوب

واداوات التصوير مو غاليه بقوووة يعني كلها 30,000 ويصير عندك استوديو لو حابه

احسن لك من وجع الراس.

.

لا لا جد انتبهوا على انفسكم ترى الدنيا صارت تخوف واذا بتروحون لمصوره

يفضل تعرفونها يعني لاتسمعون المصوره الفلانيه ممتازه ومع الخيل ياشقرا

اهم شي تعرفونها ومتعاملات معاها وكل شي

والباقي عليكم